जाजरकोटकाे भेरी नगरपालिका -१३ कुदु नजिक यात्रुवहाक फोर्स गाडि दुर्घटना भएको छ ।
सोमबार बिहान भेरी नगरपालिका -७ को स्यालीबजारबाट नेपालगञ्जतर्फ जाँदै गरेको बा ५ ख १८९२ नम्वरको फोर्स गाडि मध्यपहाडि राजमार्गको कुदुदेखि जगतिपुर जाने जिरो प्वाईन्ट नजिकै दुर्घटना भएको हो ।
जिल्ला प्रहरी कार्यालय जाजरकोटले २६ जना यात्रुहरु रहेको र त्यसमध्य १७ जना घाईते भएको जानकारी दिएको छ ।
दुर्घटनामा परेर हालसम्म मानविय क्षति भने भएको छैन । चालकसहित केहि यात्रुहरुको अवस्था गम्भिर रहेको बताईएको छ ।
दुर्घटनामा परेर १७ जना घाईते भएको बताईएको छ । घाईतेहरुलाई स्थानीय र प्रहरीले तत्काल उद्धार गरेर प्राथमिक स्वास्थ्य केन्द्र कुदुमा उपचारका लागि लिएका थिए । स्वास्थ्य केन्द्रका अनुसार घाईतेलाई सामान्य उपचारपछि थप उपचारको लागि जिल्ला अस्पताल जाजरकोट पठाईएको छ ।
प्रहरीले दुर्घटनाको पुरा विवरण आईनसकेको जनाएको छ । गाडि सडकबाट करिब ४० मिटर तल खसेको बताईएको छ ।
क्षमता भन्दा बढी यात्रु बोकेको गाडिको ब्रेक फेल भएका कारण मोडनेर दुर्घटना भएको यात्रुहरुले जनाएका छन् ।
श्राेत ः कखरा डटकम